பிறந்தநாள் வாழ்த்து கூறிய அனைவருக்கும் உருக்கமாக நன்றி கூறிய நடிகர் கவின்
ரியாலிட்டி ஷோ பிக் பாஸ் தமிழ் 3 இன் மூலம் புகழ் பெற்ற நடிகர் கவின் நேற்று தனது 30 ஆவது பிறந்தநாளை கொண்டாடினார். இவர் ரசிகர்களின் பிறந்தநாள் வாழ்த்துக்களுக்காக அவர் தனது நன்றியைத் தெரிவித்துள்ளார்.
பிக் பாஸ் தமிழ் 3 என்ற ரியாலிட்டி ஷோவில் கவின் ராஜின் புகழ் உயர பறந்தது.
நேற்று 30 ஆவது பிறந்தநாள் முன்னிட்டு நாடு முழுவதிலுமிருந்து வாழ்த்துக்களைப் பெற்று வருகிறார். அவர் பல திரைப்படங்கள் மற்றும் தொலைக்காட்சி சீரியல் நிகழ்ச்சிகளிலும் தோன்றியுள்ளார்.
தற்போது, நடிகர் கவின் ராஜ் தனது ரசிகர்கள், நலம் விரும்பிகள் மற்றும் அன்பானவர்களிடமிருந்து பிறந்தநாள் வாழ்த்துக்களைப் பெற்ற பிறகு மிகவும் குஷியாக இருக்கிறார். இதனால் நடிகர் கவின் தன்னுடைய இன்ஸ்டாகிராம் பக்கத்தில் அனைவருக்கும் நன்றி தெரிவிக்கும் ஒரு குறிப்பைப் பகிர்ந்துள்ளார்.
அதில் “இருள் நம்மைச் சூழ்ந்திருக்கும்போது, அது அன்பும், நம்மைச் சுற்றியுள்ள மக்களும் தான் நமக்கு வெளிச்சத்தைத் தருகிறார்கள், மேலும் இந்த பயணத்தை சிறந்த வழியில் பயணிக்க உதவுகிறார்கள். இதற்கு நான் என்ன செய்தேன் என்று எனக்குத் தெரியவில்லை. ஆனால் நீங்கள் அனைவரும் எனக்கு அளித்து வரும் அன்பு, சூரிய ஒளியை விட சரியான வழியில் என்னை வழிநடத்துவதை வார்த்தைகளால் விவரிக்க முடியாதது அது மிகவும் பிரகாசமானது”.
“இந்த எல்லா அன்பிற்கும் தகுதியான ஒரு நல்ல மனிதனாக நான் வளர்கிறேன் என்பதை உறுதிப்படுத்த நான் கடுமையாக உழைப்பேன். எல்லாவற்றிற்கும் அனைவருக்கும் நன்றி. உங்கள் அனைவரையும் நேசிக்கிறேன் … நல்லா இருப்போம் எல்லாரும் நல்லா இருப்போம்” என்று கூறி பதிவிட்டுள்ளார்..
